• Peerzada Dr Haroon

Faiz aur Adab

Ik banday ne pucha, faiz kesay milta he?

Arz ki: ba adab ba murad, bay adab bay murad.

Misaal k tor pe..... jo kaha jaye, os pe billa ta'ammal ammal karo. Chahe dil na bhi kr raha ho phir bhi ammal karo. Apnay dil ko razi kr k, murshid ki raza hasil karnay k liye kiya jaye aur naik gumaan rakha jaye. Jitnay ikhlaas se ammal ho ga otna hi faiz milay ga. Yehi Adab ka takaaza he. Tassawwuf ammal ka medaan he, behas o mubahsay ka nahi. Zaban k chatkharay doondnay walon k liye yahan kuch nahi he.

Jis ne kahay pe billa chun charan ammal kiya, wo faizyaab ho gaya. Faiz ka ye silsila kabhi rukta nai he, chalta rehta he. Ba adab log rozana faiz k jaam nosh krtay hein.

Haan, agar adab khatam ho jaye to faiz bhi salb ho jata he.


Pucha he k sirf zahiri adab kaafi he faiz haasil krnay k liye??

Nahi, mojudgi aur gair-mojudgi dono halaton me adab krna zururi he. Agar murshad kaamil he to teray haal ki khabar rakhta ho ga. Agar murshad kaamil nahi bhi he to teray zahiri adab se wo khush ho ga aur teray baatni adab se Allah paak Jallah Shanahu khush hon ge. Haqeeqat to ye he k faiz min jaanib Allah hi hota he lekin ye murshad k zarye diya jata he. Teray Baatin se Allah paak Jallah Shanahu bakhoobi waqif hein. Lehaza teray adab k mutabik tujay faiz millay ga.

- Peerzada Dr Haroon #adab #respect #murshid #faiz



59 views

Recent Posts

See All

Adab

Murshad k sath khamosh sangat zayada faizyabi Ka bais he. Sun aur foran ammal kr Sawal na kr Sirf sun Aur agli BAAT (her baat hukam Ka darja rakhti he ) Ka intezaar kr Mazeed jan'nay ki Jaldbazi na kr

© 2019 Noor-e-Darwesh  - Silsila Owaisia Muhammadia - Kaarwan-e-Ishq-e-Muhammadi

  • Peerzada Dr Haroon
  • Peerzada Dr Haroon Kashmiri
  • Silsila Owaisia Muhammadia
  • Nooredarwesh
  • YouTube Social  Icon